2 rojî verî mabênê qezaya Çinarî ya Amedî û qezaya Şemrexî ya Mêrdînî de şewatêko zaf pîl vejîyabi.
Goreyo ke aşkere bîyo hûmara kesanê ke şewatî de dinyaya xo bedilnaye vejîyaya 16 kesan
Cenazayê 10 kesan dewa Kelekê de ameyî definkerdiş, cenazayê 2 kesan dewa Tobînî û cenazayê 3 kesan zî dewa Herberê de ameyî definkerdiş.
Nameyê kesanê ke dinyaya xo bedilnaye wina yê: “Resul Yilmaz, Şeyhmus Demir, Mezher Demir, Remzi Yilmaz, İsmail Yardimci, Abdurrahman Bugdayci, Sinan Deviren, Rezan Yilmaz, Azad Yilmaz, Taliha Demir, Nuri Demir, Fadil Demir, Kerime Erdenli, Ubeydellah Bugdaycı, Halime Erdem.”
Heto bîn ra şewat de hezaran gandarî zî adir ver merdî. Vajîyeno ke adir rîyê têlanê elektîrîkî ra vejîyayo û şîrketê vilakerdişê elektîrîkî DEDAŞ emser xebata sehnayîş û ciewnîyayîşî nêkerdo.
Şaro ke şewat de ganê xo xelisna vano ke ; "Walîtî vano adir rîyê vaşanê huşkan ra vejîyayo la ma dî ke têlanê elektrîkî ra adir vejîya. Çend serrîyo ke ma ma vanê, bênê nê têlan bikêne newe la kes goş nêdano vatişanê ma ser."
