Sîyasetkara Kurde Leyla Zanaye vana: "Seba ke Rojhelatê Mîyanênî û erdanê Kurdistanî de komkiştişî biqedîyê, vengdayîşê Abdullah Ocalanî îmkanêko tarîxî yo."
Leyla Zana wîna va”
Rejîmê ê demî yê Îraqî 16ê Adara 1988î de bi çekanê kîmyawîyan êrîşê Helebceyî kerd.
Seba nê êrîşê kovaneyî bi zafaneyî 5 hezar Kurdî şehîd kewtî, zaf kesî zî seba tesîrê çekanê kîmyawîyan, rastê nêweşîyanê cîya bi cîyayan ameyî û heta nika zî rêça nêweşîyan înan ser menda.
Dejê komkiştişê Helebceyî hîna teze yo
Seba ke Rojhelatê Mîyanênî û erdnîgarîya Kurdistanî de komkuştişî biqedîyê, vengdayîşê Ocalanî îmkanêko tarîxî yo.
Abdullah Ocalanî 27ê Sibate de waşt ke PKK xo fesix bikero û çekan rono.
Leyla Zana îfade kerd ke no vengdayîşê Abdullah Ocalanî zaf muhîm o û wîna dewam kerd:
"Kurdê ke vera komkiştişan, merdiş, zordarîye, tahde û tehdîdan çok nêronayo, ewro zî seba aştîyêka bi rûmet qeradar ê.
Ez bi rêz, rehmet û sipasdarîye kesê ke Helebce de ameyê qetilkerdiş yad kena. Seba ke nê dejî reyna nêbê.
"Aştî bereket a"
Sîyasetkara Kurde veng da Serekkomarê Tirkîya Recep Tayyîp Erdoganî û Serekêê MHPyî Devlet Bahçelîyî ke wa mesulîyetê xo bîyarê ca û va:
"No mesuliyetê ma yo muşterek a. Aştî bereket a. Cuye ya."
