Seba ke herême hamnanan hewa zaf beno germ, zaf kesî semedo ke xo honik bikê kewenê golekan. Labelê golekî semedê asnawî qedexe yê. Oncan zî milet keweno ci. Labelê her serre seyan kesî, zafê xo tutî golekan de xeniqîyenê.
Riha de emser hetanî nika 17 kesî ke semedê honikbîyayîşî kewtê golekan xeniqîyayê. Înan ra 12 tenî hema tut ê.
Walîyê Riha Hasan Şıldakî derheqê serebûtanê xeniqîyayîşî beyanatêk dayo û cato: "Çi heyf ke emser hetanî nika 12ê xo gedeyî 17 kesî golekan û qenalan de xeniqîyayê. Qenalê awdayîşî, golekî û bendawî cayê ke merdim xo semedê honikîye tede asnaw biko nîyê. Nê cayan de asnawkerdiş qedexe yo. Nê cayî semedê honikbîyayîşî cayê tehlukeyîn ê. Ma tutanê xo bipawe û nêverdê wa nê cayan de bikeqê awe."
