Rojnameger Sînan Aygulo hetê merdimanê serekê Şaredarîya Tatwanî ra amebi darbkerdiş, bi bahaneyê 'hêrişkeran rê heqaret kerdo' ra cezaya hepisxaneyî dîya ci!
Qezaya Tetwanî ya Bedlîsî de 17ê hezîrana 2023yî de polîs Engîn Kaplano ke merdimê Şaredarê Tetwanî Mehmet Emîn Geylanî yo û pawitoxê Geylanîyî Yucela Baysaliyî hêrişê rojnameger Sînan Aygulî kerdbi.
Mehkemeya Cezaya Girane ya Bedlîsî bi bahaneya ke 'hêrişkeran rê heqaret kerdo' cezaya hepisxaneyî ya 2 aşman û 5 rojan day Aygulî.
Heto bîn ra Aygulo ke hetê mehkeme ra erşawîyabi Dezgehê Tipê Edlîyî ci rê raporê 'rîyê ci de rêçê hêrişî nêmendo' dîya.
Aygulî derheqê babete de qisey kerd û ard ziwan ke hêrişkeran ra verî ceza dîyaya ey û tepişîyayo. Aygulî vat: ''Seba ke mi menfaetê şarî pawit, seba ke ez nêmerda û mergî ra xelisîyaya mi erzenê hepisxane.''
