33 kesê ke qirkerdişê Sêwazî de ameybî qetilkerdiş, serrgêra 31ine de hetê hezaran kesan ra bi rayşîyayîşan ameyî vîrardiş.
Hetê Komela Kulturî ya Pir Sultan Abdalî (PSAKD) û Federasyonê Alewî Bektaşî (ABF) ra hearan kesî ke Sêwaz de ameyî têlewe hetanî verê Otêlê Madimakî rayîr ra şîy.
Rayşîyayîş de pankartê “Rayîrê şima rayîrê ma yo, na roşnîye hewna nêbena, Pir Sultanî nêmirenê” ameyî akerdiş.
Merdimê ke ameybî qetilkerdiş, rêxistinê Ewlewîyan û gelek temsîlkarê partîyanê sîyasî zî paştî dayî çalakîye.
Serekê Pêroyî yê CHPyî Özgür Özel, Hemserekê DEM Parti Tuncer Bakırhan û serekê TİPî Erkan Baş zî Sêwaz de bî û heminan qiseykerdişê xo de qetlîamî şermezar kerd û waşt wa dewlete hesabê nê qetlîamî bido.
