Pêroyê Awustralya de seba ke vernîya grûbanê rastgiran bêro girewtene sembolê Nazîyan yenê qedexekerdiş.
Goreyê qanûno ke ameyo vetiş, êyê ke xaçê Nazîyan yan zî amblemê SS xo dir biçarnê, heta serrêk cezaya hepisxaneyî dîyena înan.
Serdozgero Federal Mark Dreyfusî va ke, "Ma dîyo ke êyê ke nê sembolan xo dir çarnenê hûmara înan bîya zêde. Cayê nê sembolanê pîsan welatê ma de çin o. Nê merdimî nijadperest ê û înan de meylê şîdetî esto. Nika ma semedê înan qanûn veto. Pêroyê welatî de sembolê nê nijadperestan qedexe bîyê. Ma semedê înan qanûn de heta serrêk ceza hadre kerda."
