Ali Haydar Gözlü / Dersîm
Unîversîteya Munzurî de serra 2012î de Beşê Edebîyatî û Ziwanê Zazakî ameyo akerdiş û zaf kesî ûca de Zazakîya xo aver benê.
Beşê Edebîyatî û Ziwanê Zazakî yê Munzurî hetê YÖKî ra serra 2011î de ameyo akerdene û serranê 2012-2013î de wendekaran uca rê qeydê xo viraşto. Her emir ra wendekarî her serre qeydê xo virazenê.
Beşê Edebîyatî û Ziwanê Zazakî de 129 wendekarî estê û kesê ke ê beşî tercîx kenê vanê ; ” Seba ma zanayîşê xo yê ziwanî aver berê û bi Zazakî tez binusê yan master bikerê ma tîya rê qeydê xo kerdo.”
Seke zanîyeno Zazakî roja ma ya ewroyîne de ver çi vîndîbîyayîşî de ya û Bajaranê sey Unîversîteya Çolîgî, Dêrsimî û Artuklîyî de bi nê xebatan gêrîyena binê qeydî.
Unîversîteya Munzurî ke serra 2012 de Beşê Edebîyatî û Ziwanê Zazakî ameyo akerdiş, a roje ra nata perwerdeyê bi Zazakî daya zaf kesan. Nika 129 wendekarê ci estê. Kursîyerî hem ziwanê xo aver benê hem zî zaf şayîyê ke mîyanê kulturê ma de esto ganî kenê û wayîrê înan vejîyenê.
Wendekarî vanê ke, ”Semedo ke wa Zazakî vindî nêbo ma tîya de yê. Ma wazenê wa her kes wayîrê ziwanê xo vejîyo ke, no ziwan nêmiro. Xora mekteban de dersa Kurdkî ya Weçînite esta. Semedê ê dersan ma rê mamosteyî zî lazim ê. ”
