ZAZAKÎ NEWS - Unîversîteya Îstanbulî keyepelê xo ser ra eşkera kerd ke înan dîplomaya Şaredarê Bajarê Girdî yê Îstanbulî Ekrem Îmamoglu betal kerda.
35 serrî verê cû Îmamoglu yew Unîversîteya Qibrisî ra vîyartbi Unîversîteya Îstanbulî û uca unîversîte temam kerdbi.
5 serrî verê cû zî dîplomaya Îmamoglu ser tay çîyî vajîyabî, unîversîteyî vatbi tu problem çin o. La ewro unîversîte na dîploma betal kerde.
Îmamoglu qerarî ra dima Xî ser wina nuşt: "No qerarê Komîteya Îdarekerdişî ya Unîversîteya Îstanbulî hûqûqî nîya. Hukimdestê Komîteya Îdarekerdişî ya Fakulteya Îşletmeyî de ya. Ê ke no qerar dayo verê tarîx û edaletî de do hesab bidê, na roje nêzdî yo. Ê do nêeşkê rayîrê şarê ma yo seba edalete, hiqûq û demokrasî bigîrê."
