Odaya Bazirganî û Sanayî (DTSO) aşkere kerdbî ke, gedeyê ke do mekteban de dersa Kurdkî weçînenê tablet bido înan
Destegê Odaya Bazirganî û Sanayî (DTSO) semedê dersa Kurdkî dewam kena. DTSOyî vatbi, ma do hetanî roja 15ê Adare tabletan bide gedeyanê ke do dersa weçînite ya Kurdkî weçînê.
DTSOyî aşkere kerd ke demê muracatî hetanî 22ê Adare ameyo dergkerdiş û gedeyê ke mekteban de dersa Kurdkî (Zazakî-Kurmanckî) weçînê tabletê înan aşma Nîsane de pê merasîmêk bêrê vilakerdiş.
No derheq de beyanatê DTSOyî cêr de yo
ÇAPEMENÎ Û RAYA PÊROYÎRÊ
Mûracatê seba kampanyaya tabletî ya ke semedê wendekaranê ke dersê weçînîteyî yê bi zaravayê Kurdkî, Kurmancî û Zazakî weçînabî, hetê Odeya ma ra 17ê sibate 2024î de dîyabî destpêkerdiş, 15ê adare 2024î de qedîya.
Wendekarê ke dersa weçînîteyî ya bi kurdkî weçînabî, keyeyanê xo reyde bi kompozisyonê ke bi zaravayê Kurmancî û Zazakî hadre kerdibî mûracatê Wendegehê Sanayî yê Amedî kerdê.
Mûracatê merkezê bajarî û zaravayê Kurmancî zêde bîyê. Mûracatê qezayanê dûran û zaravayê zazakî kêmî bîyê. Kampanyaya ma hewteyêk ame dergkerdene û seba paştîdayîşê wendekaranê qezayan û teşwîqkerdişê înan ê seba musayîş û şuxulnayîşê zaravayê Zazakî ame kerdene.
Mûracatê bi zaravayê Zazakî û Kurmancî yê 13 qezayan heta 22ê adare 2024î yenê qebûlkerdiş. Qezayê Kayapinar, Rezan, Sûr û Yenîşehîrî de tena mûracatê bi zaravayê Zazakî yenê qebûllkerdiş. Mûracatî do Wendegehê Sanayî yê Amedî de bêrê kerdene.
Wendekarê ke mûracatê kampanyaya tabletî bikerê, çalakîya ke do aşma Nîsane de bêro viraştiş de tabletê înan berê dayene.
