Şewa bîne mabênê qezaya Çinarî ya Amedî û qezaya Şemrexî ya Mêrdînî de şewatêko zaf pîl vejîya, 5 tenî merdî û xeylê kesî birîndar bîyî.
Heto bîn ra şewat de hezaran gandarî zî adir ver merdî. Vajîyeno ke adir rîyê têlanê elektîrîkî ra vejîyayo û şîrketê vilakerdişê elektîrîkî DEDAŞ emser xebata sehnayîş û ciewnîyayîşî nêkerdo.
Şaro ke şewat de ganê xo xelisna vano ke ; "Walîtî vano adir rîyê vaşanê huşkan ra vejîyayo la ma dî ke têlanê elektrîkî ra adir vejîya. Çend serrîyo ke ma ma vanê, bênê nê têlan bikêne newe la kes goş nêdano vatişanê ma ser."
Rewşa Peynîne
Goreyê aşkereyîya Wezîrê Weşîye yê Tirkiya Fahrettin Koca 3 kesî Amed de, 2 kesî zî hetê Mêrdînî de merdê. 10 tira bi giranî 44 birîndarî estê. Bi hezaran donim erdê xeleyî û gilgilî vêşa bi wele. Bi seyan dewar, bizî, mêşinî û heywanê qijkekî telef bîyî.
Heto bîn ra semedê gandaranê ke merdê û birîndar ê Dîyarbekir de vetenerînerî û doktorî heyetêk nayê ro û şîyê mintiqaya şewatî.
Foto: Mujdat Can
