Amed de Rojê Ma Musîcî yê 6inî qedîyay û diyarîya hunermend Rênçber Ezîzî bîy. Beşdarê bernameyî û keyeyê kursîyeran bi kelecanêko pîl hunerê kursîyeranê Ma Muzîkî temaşe kerdî.
Demê peyênî de hetê sazîyanê kulturî yê kurdî ra xeylê çalalkîyê cîyarengî ê kulturî û hunerî ameyî kerdene. Amed de Rojê Ma Musicî yê Şeşinî 1’ê hezîrane de dest pêkerd û heta 12’ê hezîrane dewam kerd. Programê Ma Musîcî de konserî, performansê solo, dengbêjî, mezûniyetê wendekaran û panelî ameyî dayene. Rojê Ma Musicî emser semedê yadkerdişê hunermendo Çolîgij Rênçber Ezîz ameyî tertîpkerdiş.
Roja peyêne de zî Merkezê Kongre yê Sezaî Karakoçî de konserêk ame dayîş. Seyan kesî konserî temaşe kerdî û konsêr de deyîrKurmanckî û Zazakî hetêkursîyeranê Ma Musîcî ra ameyî vatene.
Konserê Koma Ma, bi deyîra Rençber Êzîzî dest pêkerd. Badê zî plaketî dîyayî keyeyê Rençber Ezîzî, Koma Ma, NÇM, Hemşaredara Mêrdînî Devrim Demir, Sanatça Organizasyon û Adar Bozaner.
