Xarpêt de Ahmet Semercîyo 80 Serreyî yo ke 65 Serrî yo ke semeran viraşto, seba ke şagirdêk nêdîyo, seba waştişê dewijan karê xo rê dewam keno
Ahmet Semercî badê ke mektebo verên qedêneno, hetê pîyê xo de dest bi karî kerdo. Semercî Taxa Çarşî de dikanê xo yo 10 metre çargoşeyî de kurtan derzeno û resneno destanê mişterîyanê xo.
Semercîyo ke pîyê 5 gedeyan o û 65 serrî to ke nê karî keno, xemgîn beno ke şagirdêk nêdîyo ke karê ke baw û kalikanê ey ra mendo, teslîmê ey biko.
Semercî reyna zî pa extîyarîya xo, waştişê dewijan ser o karê xo rê dewam keno.
Hosteyê kurtanan Ahmet Semercî dîyar kerd ke kurtanteştiş karêko zehmet o û seba ey kedêka gird lazim a û êdî seba kokimîye nêşeno karî de dewam biko û wina va: "No kar karê baw û kalikan o. Mi mektebo verên qedêna û dest bi nê karî kerd. Bi serran o ez kena, la êdî quwetê mi nêmendo. Dewijî nêwazenê ez fek nê karî ra verada, labelê kesê ke wazenê nê karî bimusê çin ê."
Semercî îşaret kerd ke bi qasê ke hêz û quwetê ey bese kerd o do karî rê dewam biko û va ke herême de êdî tay kesî nê karî kenê.
Semercî va, Xarpêt ra teber Dêrsim, Çewlîg û Erzinganî ra ey ra kurtan wazenê û va: "Verê no kuçe de tewr tay 10 hosteyê kurtanan estbî. Ma pîya xebitîyayênê. Labelê zafaneyê kesê ke no kar kerdêne merdî, ê ke mendî zî dest ey ra ant û şîyî. Tenya ez menda. Ez zî êdî nêşena bikerî. La ez eke biwazî zî nêşena fek nê karî ra verada."
