Dêrsim de hewteyêk verî welatîyan pezkovîyêka nêweşe pa 2 karikanê aye Parka Geliyê Mûnzûrî de dîbî.
La çi heyf ke maya pezkovîyan merd û her di karikî tuk -tena mendê. Nika gawanêk wayîrê înan vejîyayo û miqatê înan beno. Nameyê înan zî Dêrsim û Mûnzûr nayê pa. Dêrsim û Mûnzûr 'êdî emanetê înan ê.
Gawancî Umut Can Yarar vano, “Eno hewteyêk o ez miqatê înan bena. Sere serê sibayî saete panc de semedê înan haye bena. Ez verî şit dana înan û badê heywananê xo vejeya teber.”
Fîdan Yarar zî vana, “Bi bizan reyde kay kenê. Bizê bînî ge-ge înan ra remenê. Zaf keyfê ma pê înan yeno. Xora bê maye mendê. Gunaya ma înan ra yena. La ma înan ra zaf hes kenê. Heta ke bibê pîl û şêrê ma do miqatê înan bibe.”
