Goreyê raporê Merkezê Heqanê domanan ê Baroya Amedî mîyanê 10 serranê peyênan de 22ê înan domanî pêroyî de 49 kesî bi pirodayîşê wesayetanê zirxîyan merdê.
Heto bîn ra goreyê raporê Komeleya Heqanê Merdiman ya İHDyî zî Tirkîya û Herême de mîyanê 10 serranê peyênan de 16ê înan domanîpêroyî de 36 kesî bi pirodayîşê wesayîtanê zirxîyan kişîyayê.
Tewr peynî roja 7ê Hezîrane de qezaya Colemêrgî Gever de domano 5 serrî Erdem Aşkan binê wesayîtê zirxî yê polîsan de mendbi merdbi.
Wesayîtê zirxî yê çawîşê pisporî yê Fermandariya Cendirmeyan a Geverî gama ke Colemêrg ra ver bi Wan şîyêne da Erdem Aşkan o 5 serrî ro.
Çawişo pîspor ke doman kişt badê pey serbest ame veradayîş.
