Bi vatişê şarî, şêrê Pîronî yan zî şêrê bigulî Şêx Ebdurehîm o ke birayê Şêx Seîd Efendî bi 17ê temûza 1937î de Bismil de kişta Çemê Salatî, Deşta Perişanî de pa 16 hevalanê xo amebi kiştiş.
Nê 17 kesî badê serehewanayîşê 1924î yê Şêx Seîdî welat ra şîyê teber û xeylê wext badê semedo ke xo biresnê hewarê şarê Dêrsimî Sûrîye ra verê xo dayê Dêrsim û pêro zî demê xo de şervanê namdarî bîyî.
Şêx Ebdurehîm wexto ke surgın de bîyo pêhesyayo ke Dêrsim de serehewanayîşêk esto, rayberê serehewanayîşî Seyîd Riza yo û dano piro pa 16 şervanan keweno rayîr ke şêro Dêrsîm, uca de vera hukmatî herb bikero, wayîrê şarê Dêrsimî vejîyo.
Labelê çi heyf ke 17ê Temûza 1937î de qezaya Dîyarbekirî Bismil de ci rê bêbextî bena. Hukmato ke pê hesyeno nê şervanî ver bi Dêrsimî kewtê rayîr, Bismil de erzeno înan ser û pêro Bismil de yenê kiştiş.
Şêx Ebdurehîm birayê Şêx Seîdî yo qij bi. Mezelê ey Bismil de yo.
