Festîvala Kultur û Xozaye bi aktîvîteyanê cîya ci cîyayan vizêr dest pêkerd.
Verê festîvale xeylê welatî bi dawil û zirne serê Sûka Binerdî de ameyî têlewe û govend kay kerd. Hemşaredarê Dêrsimî Bîrsen Orhan û Cevdet Konak, Parlamentera DEM Partî a Dêrsimî Ayten Kordu, Hemserekê Pêroyî yê Komeleya Elewiyan a Demokratîk (DAD) Zeynel Kete û xeylê kesê bînî abîyayîşê festîvale de cagirewtî.
Kome beyanatêk da çapemenî û pankartê “Ma do destûr nêde xespkerdişê îrade û xozaya xo”. Hemşaredar Cevdet Konakî qiseykerdişê xo de va “Vatêne ma do ê kurdan û elewiyan na herre ser de çîne bike. Zimanê ma, kulturê ma û tarîxê ma rê qeyûmî ameyî tayînkerdiş. La ma çîne nêbî, ma estê û ma do bibê. Ma nika seba Dêrsimê xo micadele kenê. Ma zenenê ke kalûpîrê ma 1938î de ameyê qirkerdiş. Viraştişê na festîvale de meqsedê ma no yo ke ma kamîya xo û xozaya xo rê wayîr vejê.”
Badê beyanatê çapemenî, Koroya Domanan a Behzat Fîrîk Cadeyê Hunerî de konserêk da.
Şan de konserî ameyî dayene
Festîvala Kultur û Xoza ya #Munzur î bi dayîşê konseran dest ci kerd. Festîvale rê eleqeyêko rind esto@Dersimbel @KonakCevdet @MikailAslan_MA #Dersim pic.twitter.com/qoxkQeq8wx
— Zazakî News (@zazaki_news) July 26, 2024
Verê şanî zî Kuçeyê Hunerî de bi nameyê “Dêrsimî ra heta Xoresanî, Xoresanî ra heta Dêrsimî” panelêk ame dayene. Qiseykerdoxêpanelî Yalçin Çakmak, Selîm Temo
Parka Mamekî, qiseykerdişî-konser
Şan de zî Parka Mamekî de konserêk ame dayene.
Hemşaredarê Dêrsimî Birsen Orhan û Cevdet Konak, Serekê DEDEFî Ali Rıza Bilir, Hemsereka DBP Çigdem Kiliçgun Uçar, temsîlkarê Sosyalist Meclisler Federasyonu Yusuf Topçu.
Hunermendî , Mikail Aslan, Pinar Aydinlar, JinMa, Kadir Çat, Yeşim Besler, Işik Berfin, û Baran Saltik bi vatişê kilamanê xo mêmanan rê şewêka rinde pêşkêş kerd.
Enwer Yılmaz / Zazakî News
