Hîrê rojnamegerî Sîbele Yuksel, Firat Can Arslan û Delal Akyuz ewro bi operasyonê polîsan keyeyanê xo ra ameyî girewtiş.
Goreyê qerarê Serdozgerîya Komare ya Amedî muxabîrê Ajansê Mezopotamya Delal Akyuz Îzmîr de ameya girewtiş. Ame zanayîş ke Akyuz neqlê Mudirîya Asayîşî ya Îzmîrî bîya.
Muxabîrê MA Firat Can Arslan zî Anqara de ame girewtiş. Arslan Mudirîya Asayîşî ya Anqara de tepişîyeno. Polîsan dest nayo telefon û komputerê Arslanî ser.
Edîtora keyepelê T24î Sîbele Yukler zî Anqara de keyeyê xo ra ameya girewtiş. Yukler zî Mudirîya Asayîşî ya Anqara de yena tepiştiş.
Heto bîn ra polîsan eweo serê sibayî eşt keyeyê Edîtora Bianetî Evrîm Kepenek ser. Polîsan badê cigêrayîşê keyeyê aye kelemçe kerd destanê aye û berd Mûdirîya asayîşî. Bi no qeyde mîyanê rojêk de çar rojnamegerî ameyî girewtiş.
