ÇEWLÎG - Bi pêşnîyazê Şarederê Darahênî Kemal Tartarî, Meclîsê Şaredarîye de waşt wa awa şimitişî rê zem nêro kerdiş û qerar girewt.
Şarederê qezaya Darahênî ya Çewlîgî Kemal Tartarî bi pêşnîyazê xo, Meclîsê Şaredarîya Darahênî ra waşt wa serra 2025î de awa şimitişî ya keyeyan rê zem nêro kerdiş û qerar vejîya.
"Ardimkerdişê şarî ma rê wezîfeyo en pîl o"
Şarederê Darahênî Tartarî, beyanatê xo de va: "Ma kombîyayîşê peyênî yê serra 2024î yê Meclîsê Şaredarîya xo de, çarçewaya qiseykerdişê Tarîfeya Ameyîşê Serra Malîye ya 2025î de zem nêro awa şimitişî ya keyeyan ser. Nê rojan ke problemê ekonomîkî yenê cuyayîş, her çiqas ke mesrefî zêde bibê zî ardimkerdişê şarî ma rê wezîfeyo tewr pîl o. Sey her wextî wextanê zehmetîyan de zî ma hewl danê ke hemşerîyanê xo het de bê, ez hêvî kena ke no qeraro ke ame girewtiş Darahênîyê ma rê xeyr bo."
