Vizîr lîderê Hamasî Îsmaîl Heniye paytaxtê Tahranî yê Îranî de amebi kiştiş. Kişyayîşê ey ra dima zaf cayanê Tirkîya de protestorî ameybî kerdiş û semedê ey nimaj ame kerdiş.
Hereketa Hemasî raşt kerd ke Îsmaîl Heniye ewro serê sibayî paytaxtê Tahranî yê Îranî de ameyo kiştiş.
Batman de semedê protestokerdişê Îsraîlî komêk eşt Starbucksî ser. Koma hêrişkar cam û berê Kafe pêro şikitî. #Starbucks #BurgerKing pic.twitter.com/4BHHruwT1i
— Zazakî News (@zazaki_news) August 1, 2024
Batman şewa bîne semedê protestokerdişê Îsraîlî komêk eşt Starbucks û Burger King ser.
Koma hêrişkare rê polîsan midaxele nêkerd û camê Starbucks û Burger Kingî şikitî û sandalî perçe kerdî.
Demêk verê Amed de zî eynî hêrişî bibî.
Heto bîn ra Baroya Batmanî zî derheqê hêrşanê serê Starbucks û Burger Kingî de beyanatêk da û va; "Nê hêrişî nênê qebûlkerdiş. Ê cayan de cinî û tutî nişenê ro. Ma şaristanê xo de nê çîyan nêwazenê."
