Platformê Hemkarî û Pawitişê Bajarî yê Amedî derheqê şewato ke Amed-û Mêrdîn de vejîyabi û netîceyê ci de 15 kesî û seyan gandarî merdbî de raprê xo aşkere kerd. Raporî de vajîya ke, şewat rîyê têlanê ceyranî ra vejîyayo, semedo ke dîregan de sîgortayê OG çin bî kile têlan ra vila bîya .
Platformê Hemkarî û Pawitişê Bajarî yê Amedî, Salona Konferansî ya Tahir Elçi de derheqê şewatanê peyênan de beyanatêk da.
Hemvervatoxê platformî, serekê Baroya Amedî Nahit Erenî beyanatê platformî wend. Nahit Erenî va : " Hem cigêrayîşê Şaredarîya Dîyarbekirî hem zî raporê Serdozgerîya Komare ya Çinarî de aşkere bîyo ke şewat rîyê elektîrîkî ra vejîyayo. Kilê adirî mîyanê sîgortayan ra vila bîyê. Labele derheqê DEDAŞî de hema zî yew tehqîqat nêameyo akerdiş.
Badê zî temamê raporî hetê Hemsereka SESî Yıldız Ok Orak ra ame wendiş. Rapor de zî vajîya ke, DEDAŞî a mintiqa de xebata ciewnîyayîşî nêkerdo û şewat rîê ceyranî ra vejîyayo û ame waştiş ke wa derheqê mesulan de tehqîqat bêro akerdiş.
