Parlamentera DEM Partî ya Batmanî Zeynep Oduncu şîy verê Walîtîya Batmanî û desanê Walîtî ser o nuşteyê Kurdkî nuştî.

Seke yeno zanayîş nê rojanê peyênan de Wan, Amed û Mêrdîn de nuşteyê trafîkî yê bi Kurdkî ameybî nuştiş labelê personelê Walîtîyan nuşteyê Kurdkî “Hêdî” û “Pêşî Peya” ê ke semedê îşaretê rayîran hetê Bledîye ra ameybî nuştiş pê boyax sîya kerdî.

Parlamentera DEM Partî ya Batmanî Zeynep Oduncu vera nê muameleyo ke ziwanê Kurdkî rê beno hêrsê xo mojna, şîy verê Walîtîya Batamanî û dêsanê Walîtî ser o pê boyaxê spreyî nuşteyê Kurdkî nuştî.  

Zeynep Oduncu dêsan ser o “Pêşî Kurdî pêşi ziman (Verî Kurdî, verî ziwan)” nuşt.

Oduncu badê yew beyanat da çapemenî û va " Ziwanê ma û kulturê ma rê heqeret beno. Ziwanê ma Kurdkî yo ma Kurd ê û ma do ziwan û kulturê xo rê wayîr vejîyê."

Heto bîn ra Batman de nuşteyê ke hetê personelanê Walîtî ra ameybî esteritiş, hetê Beledîyeya Batmanî ra newe ra ameyî nuştiş.