Şaredarîya Amedî ya Şaristanê Girdî çirra îkramî ke baxçeyê nêweşxaneyan de yê, tira lîmonata îkram kena ke merdimê nêweşan û xebatkarê weşîye germîya hamnanî de lîmonataya honike bişimê.
Serekîya Daîreya Xîzmetê Sosyalan mîyanê şaristanî ra çar cayan de çeşmeyê şorba viraştbî, sena germîya hamnanî dest pêkerd ke lîmonata îkram bika.
Nêweşxaneyanê Unîversîteya Dîcle de, Nêweşxaneyê Gazî Yaşargîlî yê Perwerde û Cigêrayîşî de, Nêweşxaneyê Selahadîn Eyyûbî yê Dewlete de, Nêweşxaneyê Cinî û Bîyayîşî de û Nêweşxaneyê Gedeyan de 2 aşmî do îkramê lîmonata dewam biko.
Çirra îkramî do mabênê saetanê 15.00-17.00î de lîmonata îkram biko.
Serekîya Daîreya Xîzmetê Sosyalan do di aşmanê hamnanî ra dima reyna seba nêweş û merdimanê înan û seba xebatkaranê weşîye dest pêbiko ke şorba îkram biko.
