Ziwanê ma de yewna kitabê şîîran vejîyayo. Na rey weşanxaneyê "Name" bi Zazakî kîtabê şîîran yê Ozlem Guntaşe çap kerd. Nuştoxa Dêrsimije Ozlem Guntaşe bi kitabê xo yê bi nameyê “Mi Serm Ca Verda” dest bi edebîyatê Zazakî kerda. 

Ozlem Guntaşe xeylî wexto ke semedê Zazakî Newsî zî nuşteyan nusena.

Edebîyatê Zazakî de emser nêzdîyê dest hebî kitabê şîîran vejîyayê û serra 2024î semedê Zazakî serrêka berhemdar a. 

Kitabê Guntaşe yo bi sernuşteyê “Mi Serm Ca Verda” 39 şîîran ra yeno pê. Şîîran de babetê sey hesrete, dej, cirabîyayîş û heskerdiş ca gênê .

Varvateyê kitabî zî hetê nuştox û cigêrayox Îsmet Konakî ra ameyo nuştiş.