Darahênî de Komêka muzîkî bi nameyê "Estare" ameya ronayîş. Koma ke tutan ra pêameya klîba xo ya verîne bi nameyê "Estari Tari" platformanê dijîtalan ser ra vila kerd.
Mamostayê Zazakî İsmail Yıldızî deyîre nuşte û wendekaran wend. Yıldızî va; Ma bi na xebate waşt wa ziwanê ma rê xizmetêk bo.
Wendekarê ke klîbe de ca gênê wendekarê Mektebê Genç Bist Atatürk Ortaokulu yê.
Fragmanê deyîrê Youtube de kanalê Zazaca Platformu ser ra ame vilakerdiş.
Mamosta İsmail Yıldız derheqê xebata înan de wîna vano: “Seke zanîyeno ziwanî Zazakî lîsteya UNESCOyî de ca girewto ke Tirkîya de ver bi vîndîbîyayîşî de yo. Semedo ke wa ziwanê ma nêmiro, bicuyo ma wîna yew xebata kulturî kerda. Ma semedê na xebate îdareyê mektebî û wendekaran rê sipas kenê. ”
