Walîyê Dîyarbekirî û qeyûmo verên Ali İhsan Su, semedo ke teqawid bi wazîfeyê xo ra ame giretiş Dîyarbekir ra şi. Hetanî ke walîyo newe bêro aşkerekerdiş, qeyûmê Qeza Mîyanê Sûrî Abdullah Çiftçi semedê Walîtî ame tayînkerdiş.
Abdullah Çîftçî qezaya Batmanî Sason ra yo û o wext sey qeyûm amebi Dîyarbekir. Abudllah Çîftçî serra 2016î de ame Dîyarbekir û serra 2018î de AK Partiî ra bi namzedê Parlamenterî la nêeşkabi lîste de ca bigîro.
DTSOyî heqê xo walî rê helal nêkerdbi
Walîyê Amedî Alî Îhsan Su aşkere kerdbi ke o teqawid bîyo, DTSOyî zî va, “Ma heqê xo helal nêkenê.”
Walîyê Amedî Alî Îhsan Su aşkere kerd ke o teqawid bîyo ewro beyanatêk da ke o teqawid bîyo û va:
“Ez 25ê Hezîrane wazîfeyê xo yê Walîtîya Amedî teqawid bena. Şima ra wazena heqê xo helal bikêne."
Badê beyanatê ey Odaya Sanayî û Bazirganî ya Amedî (DTSO) zî beyanatêk vila kerd.
“Ma heqê xo helal nêkenê”
DTSOyî da zanayîş ke walîyî zaf kar û gureyê înan asteng kerdê û va , “Ma heqê xo helal nêkenê, ma to hewaleyê homayî kenê.”
DTSOyî beyanatê xo de va, ke, Alî Îhsan Su nêverdayo gelek projeyê înan ê semedê averşîyayîşê bajarî bêrê ca û Walî averşîyayîşê Dîyarbekirî asteng kerdo.
